譚仔雲南米線 (Closed)

好耐冇食過譚仔啦....今日難得出到旺角行經就二話不說去左食啦.....過橋米線套餐之前都經常食呢間譚仔因為真係好好味!!!以為佢呢間新裝修完食物既質素可能會差左, 點知米線仍然好彈牙, 而且好入味。配料都足料: 腩肉, 豬潤, 牛肉, 豬肉, 芽菜同埋竹笙都好爽口, 其他配料都好好味, 味道濃郁, 個湯完全吸收哂每樣配料既精華, 真係正!!!!紅油木耳每次到譚仔都一定會點呢個...木耳好爽口, 一啲都唔會淋, 再加埋啲辣椒醬, 超級惹味而且同木耳好夾, 愈食愈上癮....