鳥山名

Open Now

Now Closed

大概有一年無食過呢間餐廳，最近經過愉景新城，決定再去試試佢地既食物。去既時候係晚市時段，佢地無晚市套餐只係有二人餐及四人餐等等。睇完餐牌後，我地好快就揀好左兩款食物。(吉列黑豚豬扒定食)呢款定食內容包羅有，入面有沙律、前菜、同埋甜品，一開始以為右上角既係蕃薯，點知一食先發現係醃蘿蔔，酸酸甜甜好開胃，亦都好岩食完油炸野之後清下油膩感。吉列黑豚豬扒賣相幾好，炸到金黃色，色澤均勻，咬落去唔會覺得炸粉好厚，肉質亦軟腍，但略嫌肉質偏乾。配上餐廳提供既醬汁，食落會更有層次感。(鰻魚定食)呢款定食既前菜同上一款一樣，上菜既時候賣相精美，用木盒作為食具感覺更有氣派及氣氛，鰻魚份量相當充足，而且食落去並無發現有魚骨，可以大大啖享用，但美中不足既係鰻魚汁相對較少，假如再多一啲相信會更加好，最後配上一杯淡淡既玄米茶，呢一餐都算係相當完滿。