侯斯頓西餐廳 (Closed)

Houston。晴。尋日去咗同街嘅HEITI'S待遇極差，今日回歸我嘅放假lunch首選 Houston。是日餐湯喺匈牙利牛肉湯，飲落有牛味又唔過鹹。餐包係普通麥包勝在熱辣辣。主菜美國安格斯扒，叫咗medium還算啱火喉，雖然筋位稍多，但微焦格紋好有碳火香，肉味亦濃，個人認為呢度用磨菇汁配襯比燒汁/黑椒汁更美味。配菜炸薯條夠薯味又夠粉，外脆內軟。咖啡煮得稍燶但還可接受，而且另上牛奶比客調味好恰當。雖然店舖得兩個服務員又爆場，女嘅稍嫌無耐性又粗聲粗氣啲，但唔係金魚游魂狀態集中力好高反應好快。整體無論食物質素定服務都好過隔離舖。