壹級日本料理 (Closed)

中意呢到嘅價錢無離地，合理的價錢，美味的食材，還有就是用心整。唔會因爲價錢收唔貴就馬虎了事，看到隔離枱的炒飯當真笑了出來，像山一樣高，起碼有5碗飯，是炒飯山？哈刺身5點盛，5種不同的刺身各有三片，新鮮無容置疑，每次我都必點的。還有就係雞泡魚乾同鱈魚乾，起初我從不吃呢兩樣，因為我對乾身的食品興趣不大。但呢個真係香，自己手作烤不出，出外亦難以食到呢份香。今天還點了火鍋，估唔到呢到嘅火鍋真的不錯。份量大，質素高，同等的價錢喺連鎖的快餐店係絕對吃不到。我特別喜歡嘅係呢到的豚肉，豬味濃，不會韌，打破了我用豚肉火鍋的想法。還有就係不得不點的烤菠蘿，原隻新鮮菠蘿切片，外面加上一層砂糖火燒，形成外面一層脆衣，酸酸甜甜，超好味。