freshtea by happylemon (新之城)

Open Now

Now Closed

香港咁多間既飲品店， 我最鐘意都係happy lemon, 依家改左名做fresh tea. 果時中五仲係個mk女，成日都去旺角掃街，次次都會叫佢個碳燒珍珠奶茶，飲過返尋味。之後近我屋企既九龍灣德福happy lemon，藍田既happy lemon 都有飲過，唔會話好似貢x,歇xx咁間間分店既質素都唔一樣，一時太水，一時ok.之後唔知點解兩三年後執左幾間，好彩去到旺角都仲見到佢。 以前fresh tea既價錢係比起其他飲品店貴，但係依家間間都加價，fresh tea 反而好似冇加，但質素都係始終如一咁好個人鐘意飲佢既雪冰斯系列，因為佢既奶茶超香濃（其實係沙冰尼既）。今日飲左Oreo 奶茶雪冰斯，超足料，食到oreo既口感，同吉士忌廉同埋香濃既奶茶沙冰，呢杯野真係真材實料，好抵飲。飲品店咁多加盟，其實真係好難控制品質，但係fresh tea係一直都冇令我失望既飲品店，所以之後都會繼續幫襯，試多d佢既新品。