柏斯意大利餐廳 (Closed)

粉嶺要去一間個樣Ok嘅其實冇乜選擇。因為有客過黎粉嶺，所以book 咗去呢間到食。食物質素唔能夠要求好多，不過呢個並唔係重點。我當日去食飯，食緊時叫咗個外賣。食完賣單簽完card拎張手寫單就走。當時的確有一下覺得比我想像中平咗D，但係因為當時佢又話facebook打卡又有折，又同客傾緊計，我都冇諗住深究。當晚夜晚10:30pm 收到個電話我冇聽，因為咁夜覺得收到垃圾電話有D怪，一check之下見到係佢地電話⋯到第二日，完咗午飯時間又有電話我聽咗，一聽之下，佢話當日我找張單係堂食張單，外賣我未找⋯ 我話咁你有冇acc 我過數比你囉，跟住佢話佢要現金埋數, 問我幾時可以去比返佢地⋯雖然我第二日係有去比返佢，但係其間佢地完全冇悔意，冇講一句對唔住or even 唔好意思⋯大佬呀，其實你知唔知係你做錯嘢，仲要我三十幾度行去你間垃圾餐廳比錢你？我。以。後。唔。會。再。去。