美中·鴨子 (Closed)

成日見到好多人等，終於有機會試下。因為我地兩個人食，唔敢叫太多，但又好想試片皮鴨，所以叫左半隻。之前食其他中菜既片皮鴨通常都係皮連肉，但美中鴨子既係皮同肉分開，想淨食皮又得，淨食肉又得。皮好脆，肉好香，唔硬唔油，燒得好靚。 而用泥包片皮鴨既皮整得好薄，食落去唔會成陣麵粉味，，唯一唔好就係因為太薄，撕塊皮出泥既時候好易整爛。不過就算兩塊一齊食都唔會覺滯，仲有陣陣芝麻味。 叫片皮鴨仲會送鴨湯，人頭份的。好清，有鴨香。 兩個人淨係食片皮鴨好似太dry, 所以我地加左幾條小黃魚。小黃魚炸得好香，肉好滑，但略嫌太多骨，食食得好小心。皮炸得香脆，好味，如果骨都炸到脆卜卜可以食埋就更好。 整體泥講食物質素唔錯，食物幾有特色。