鼎王麻辣鍋 (The LOHAS) (Closed)

今日同朋友嚟行街雖然食完下午茶已經飽飽哋但係見到呢間火鍋店突然間有啲心動想食火鍋 決定入去小小哋食下呢度店員服務態度超好 帶檯有禮貌 仲介紹畀我哋知麻辣鍋就可以鴨血同豆腐任加而酸菜白肉鍋就可以任加酸菜我哋兩個又係心大心細所以就決定兩個湯底都試埋 結論就係我哋嘅選擇係非常正確 麻辣夠過癮食落有藥材味酸菜又夠解膩越食越濃郁呢度提供嘅蜜桃茶都非常好飲等食物期間我哋就默默飲叫咗份小羔羊,鹵水大腸頭,蟹滑膏同粉條 先講個湯底配對 佢嘅鴨血好正 食落彈牙又吸晒湯汁 店員會殷勤留意我地需唔需要添加 而酸菜開胃 食落爽口 淨係湯底都夠晒滿足至於配料 小羔羊充滿羊味 簡單淥一淥食得 不過嫌佢份量唔夠多滷大腸頭都好入味 軟硬適中帶少少爽口配埋麻辣湯底食真係一絕但最有驚喜就係佢個蟹膏滑 唔識形容佢嘅味道但食起嚟好豐富 好新鮮 推介其實食到最後都唔使加個粉條 因為湯底配料已經飽晒 不過粉條吸晒湯汁 自然係大滿足 我地兩邊湯底都放下 唔同享受