Soul9+ (Closed)

北角宜條街愈來愈多好食既餐廳，有古月、青藏、villa villa、全部我都食過晒，係時候試埋Soul9+ 啦~一入到去，已經feel到一陣英倫味，尤其係嗰個好吸睛嘅英式電話亭，最啱打卡！牆上仲好多具特色嘅裝飾同小擺設，鐘意vintage嘅朋友可以黎影下啲文青相。環境有特色固然係加分位，不過食物質素先係戲肉，即刻試下啲嘢食見真章先。睇左先前啲食評，見到個海膽risotto好吸引咁，諗都唔駛諗就叫左。 《原板海膽黑松露蟹膏意大利飯》果然冇失望，意大利飯黎到真係嘩左一聲，海膽原板上，剩係海膽已經覺得值回票價。侍應教我地放少少飯，海膽同蟹膏落紫菜包著，好似手卷咁食。味道方面，意大利飯唔會太硬，十分適合香港人既口味，黑松露香味十足，再加上海膽同蟹膏既鮮味，簡直食到停唔到口，個人認為係最好食同一定要食既菜式。《檸皮炸雞翼》雞翼非常脆，未食過咁脆既炸雞翼，雞翼肉質好嫩，檸檬味亦會慢慢滲透出嚟，有種清新既感覺。但如果有埋個柚子醬沾下，就perfect 啦！ 記得，記得炸雞翼一定要趁熱食，凍左無咁好食架！《煎北美銀花鱸魚》鱸魚個皮煎得好脆，肉質非常嫩口，外脆內軟。薯蓉好香滑加上黑松露嘅香味，令配菜都升