Video
Read full review
2012-12-20
397 views
事源是Lunch hour見到好多學生同Office 人排隊係買呢間新開日本小店買午餐便當。。所以又貪得意試下啦！但個次冇影相。。總之就好靚，又有好多唔同嘅食物。。好似日式便當咁，好豐富好多顏色^^。。Overall都真係好味,但最突出嘅係個辣味蟹柳卷…唔知點解個辣味同蟹柳絲嘅味道同口感真係好夾。。所以放工就買咗盒番屋企同老公食！買咗幾次老細話叫我試下其他卷！都好好味架！好啦今日老公接放工就一於堂食！應該係位置僻靜嘅原因…其實唔係附近多嘅人根本未必留意到!所以可以包場^_^!其實小店亦只可坐約6-8人!廚師亦只有老細一個!由於Menu上太多不知材料的Sushi Roll名稱…”東京爆脆” “蜘蛛”等我看不明白…就同老細講不如你幫我地整你認為最值得推介嘅卷啦!老細很細心地問我地有冇咩唔食後,就開始煮啦!Open Kitchen 不停傳出好多煮食聲音!令我加倍期待!kaka!好~終於open rice啦!!好靚呀!!!一見到我同老公都叫咗出聲！！好靚呀！老細解說上面一條的是香蕉包住炸𧎚@@...香蕉Sushi….真係未食過…當然仲有好多Sauce同其他食材如牛油果!下面係芝士鰻魚卷,上面有
事源是Lunch hour見到好多學生同Office 人排隊係買呢間新開日本小店買午餐便當。。所以又貪得意試下啦！但個次冇影相。。總之就好靚，又有好多唔同嘅食物。。好似日式便當咁，好豐富好多顏色^^。。
Overall都真係好味,但最突出嘅係個辣味蟹柳卷…唔知點解個辣味同蟹柳絲嘅味道同口感真係好夾。。所以放工就買咗盒番屋企同老公食！買咗幾次老細話叫我試下其他卷！都好好味架！
好啦今日老公接放工就一於堂食！應該係位置僻靜嘅原因…其實唔係附近多嘅人根本未必留意到!所以可以包場^_^!其實小店亦只可坐約6-8人!廚師亦只有老細一個!由於Menu上太多不知材料的Sushi Roll名稱…”東京爆脆” “蜘蛛”等我看不明白…就同老細講不如你幫我地整你認為最值得推介嘅卷啦!老細很細心地問我地有冇咩唔食後,就開始煮啦!Open Kitchen 不停傳出好多煮食聲音!令我加倍期待!kaka!
好~終於open rice啦!!好靚呀!!!
一見到我同老公都叫咗出聲！！好靚呀！老細解說上面一條的是香蕉包住炸𧎚@@...香蕉Sushi….真係未食過…當然仲有好多Sauce同其他食材如牛油果!下面係芝士鰻魚卷,上面有薯片碎豐富層次感!!兩種都真係好好味…犀利嘅係不同材料味道同口感上嘅配合…好明顯係諗過曬…飯同食材嘅比例令你真係食到每一樣食物的味道….講易做難…..我係外國同香港都食過好多sushi roll…好多時一係太多飯,一係太多Sauce…令客人只係食到一種味…但老細明顯是諗過晒…好俾心機…功夫亦很到家….令我兩口子立刻追加^^!!都係請老細話事!今次我聽到焗爐嘅“叮”一聲。。。
驚喜一浪接一浪。。老細話呢個係焗嘅。。。焗嘅Sushi roll…聞所未聞@@味道亦真的聞名不如吃掉^O^是我最愛的一個!!裏面有芝士,帶子，蟹柳絲同青瓜!!好豐富好好味!!!個外形仲好可愛！！
吃過三個超好味嘅特色卷後同老細傾咗陣計！原來老細於美國一間酒店做壽司師傅做咗好多年，由於很多客人基於不同國藉，文化！食材方面的考慮很花心機！有客人不吃豬，有些不吃魚，五花百門。。所以並冇指定Menu，好多時都係要佢諗晒。。所以迫住不停創新！但就令佢設計咗好多獨有自家卷物，佢話現在隨時可做出超過200種卷物。。睇黎都要不停去食了！！
結帳3個卷物約180大元，非常滿足！！！
Other Info. :
Lunch 亦吃過咖喱豬扒飯^^都值得一吃的!!但午餐時段點卷物可能要等耐D..因為有好多人買外賣....晚上坐低堂食較為適合!
(The above review is the personal opinion of a user which does not represent OpenRice's point of view.)
Post
