塚田農場 (Closed)

由灣仔搭天星小輪嚟到尖沙咀 記起之前食過一間對住維港開餐嘅日式餐廳 鍾意食日本菜嘅朋友好有興趣 即刻盡地主之誼帶佢欣賞香港嘅維港夜景再次嚟到呢間塚田農場 照樣受到職員熱情及禮貌嘅招待 揀咗近露台位置 可以一邊食一邊睇夜景 露台亦有座位 同三五知己摸住酒杯底吹吓海風吹吓水 簡直係人生樂事上次食過我好滿意嘅美人鍋 今次再試其他嘢先 今次叫咗炭燒黑薩摩走地雞配烏冬 沖繩大島魷魚配黑豚肉炒麵 海老牛油果美人卷 鰻魚忌廉芝士壽司卷 黑薩摩走地雞同我哋食開嘅雞口感唔同 肉質一樣好鮮味口感都好好 配埋個汁撈落烏冬度 非常配合 大大嚿嘅大島魷魚加埋黑豚肉炒得好惹味 美人卷裏面嘅蝦同埋牛油果都食得出好新鮮 清清地好鮮味 加埋個口感濃郁嘅鰻魚忌廉芝士壽司卷 perfect match😍而家仲有優惠 所有飲品買一送一 超值！