Video
Read full review
2024-12-06
686 views
《Dan Ryan's Chicago Grill - 九龍塘又一城》又一城曾經係我童年成日嚟嘅地方，記得以前除咗有一間好大嘅動物餐廳之外，另一間成日食嘅西餐廳就一定係Dan Ryan’s，細個嚟食飯一定要拎佢一個氫氣球走😌估唔到過咗咁多年呢一度都冇變，仲係見到嗰一架電動火車同埋嗰一個牛頭裝飾，令人十分懷念的感覺🫶🏻今次過開嚟又一城行街，要食牛扒就一定會揀番Dan Ryan’s💪🏻我哋夜晚7:30到餐廳，餐廳都近乎坐滿晒人，連出邊酒吧位置都坐住幾枱人飲緊酒，原來係weekdays 都做緊happy hour優惠，指定嘅酒精飲品都幾抵飲，draught beer 都係$58起，喺又一城嚟講算係十分優惠🥰當晚我哋兩個人叫咗四樣嘢食，連埋前菜麵包一共有五樣嘢食，勁飽 🥖 最鍾意食佢呢一度嘅麵包配上士多啤梨牛油，香蕉味嘅鬆餅都同樣香氣十足，淨係麵包我都可以食兩個💁🏻♀️招牌凱撒沙律 半份 $88非常傳統嘅菜式，半份都已經足夠兩至三個人食，入面有麵包粒、蕃茄、羅馬生菜同埋芝士粉等嘅食材，凱撒沙律醬入面有少少魚肉嘅香氣，唔知個醬汁係用咩調製的，特別有咸香💁🏻♀️芝士焗薯皮 6件 $125同樣地都係
又一城曾經係我童年成日嚟嘅地方，記得以前除咗有一間好大嘅動物餐廳之外，另一間成日食嘅西餐廳就一定係Dan Ryan’s，細個嚟食飯一定要拎佢一個氫氣球走😌估唔到過咗咁多年呢一度都冇變，仲係見到嗰一架電動火車同埋嗰一個牛頭裝飾，令人十分懷念的感覺🫶🏻今次過開嚟又一城行街，要食牛扒就一定會揀番Dan Ryan’s💪🏻我哋夜晚7:30到餐廳，餐廳都近乎坐滿晒人，連出邊酒吧位置都坐住幾枱人飲緊酒，原來係weekdays 都做緊happy hour優惠，指定嘅酒精飲品都幾抵飲，draught beer 都係$58起，喺又一城嚟講算係十分優惠🥰當晚我哋兩個人叫咗四樣嘢食，連埋前菜麵包一共有五樣嘢食，勁飽 🥖 最鍾意食佢呢一度嘅麵包配上士多啤梨牛油，香蕉味嘅鬆餅都同樣香氣十足，淨係麵包我都可以食兩個
💁🏻♀️招牌凱撒沙律 半份 $88
非常傳統嘅菜式，半份都已經足夠兩至三個人食，入面有麵包粒、蕃茄、羅馬生菜同埋芝士粉等嘅食材，凱撒沙律醬入面有少少魚肉嘅香氣，唔知個醬汁係用咩調製的，特別有咸香💁🏻♀️芝士焗薯皮 6件 $125
同樣地都係每次嚟必食嘅小食，香脆嘅薯皮配上鹹香嘅mozzarella cheese，趁熱食可以有拉絲嘅效果，上面仲有煙肉粒粒同埋黑胡椒調味，送酒一流，好惹味💁🏻♀️炭烤封門柳 8oz $318
平時多數食西冷牛扒，但係原來封門柳都唔錯喎，牛柳可以揀配一個伴菜，今次我就揀咗番薯條，用嚟點茄汁同沙律醬都已經好好食，而封門柳我哋揀咗五成熟，食落好軟熟冇渣，配海鹽食就已經好濃郁，牛肉味出有肉汁👍🏻💁🏻♀️蜆肉周打湯 $48
叫呢個湯嘅原因係因為用嚟點麵包非常好食的，我最鍾意就係將麵包搽滿牛油之後再點湯一齊食，蜆肉周打湯入面有薯仔粒同埋蜆肉仔，食落有口感，用嚟點麵包又好掛汁，鍾意用麵包配湯的話呢一個都幾適合
Post
