十十川滬料理 (Closed)

今日去旺角朗豪坊食十十川滬料理，餐廳地點非常便利，地鐵站上蓋，交通夠晒方便。餐廳名稱已經好明顯，係主打川滬菜。-椒麻雞呢個醬汁味道層次好豐富，辣中帶香，香中帶麻，雞肉好嫩滑，雞味濃郁，麻辣的醬汁更令人非常開胃。作為前菜實在出色。-香脆鮮蝦雲吞外皮夠脆，香口唔油膩，呢個炸雲吞皮薄多汁，裏面包着蝦肉，一口一隻，唔錯的小食。-十十三絲炒粉皮粉皮炒得非常入味，調味調配剛剛好，食得出粉皮炒得好夠鑊氣，整個餸菜一啲都唔油膩，輕微嘅醋酸味完全將整個粉皮味道大大提升。-雜錦小籠包有原味，麻辣，鹹蛋黃，酸菜魚四個味道。四款都做得好出色，比較有驚喜嘅係酸菜魚，入面真係有酸菜魚同埋金湯。而麻辣味道亦都平衡做得好好，唔會太辣，但係會食到麻辣嘅香氣。-評分 : 6/10