辣蟹舫 (Closed)

上個月同三五知己一齊第一次來辣蟹舫食飯, 當天大家都食得好開心好滿足,估唔到有驚喜(店舖做推廣,堂食一隻蟹下次再光顧便送一隻蟹), 噢!!!實在太吸引了, 我們己約定4月份要再來食。上星期五再約原幫人馬再來食(當然要記得帶送蟹的coupon啦), 今次由正門上一層樓梯,上到去其實已滿了8成, 好多都係朋友, 親友聚會, 十分熱鬧。大家己好心急叫了些小食再慢慢點菜, 伙計可能見我們5個姐妹, 便介紹了一個黃酒煮雞俾我們, 有淡淡的黃酒香加上雞煮得很滑, 大家都勁讚好補身。今次送的避風塘炒蟹分量唔少之餘, 味道依然保留上次的風味及好食, 蟹裹在呢D重口味炸蒜蓉蔥碎爆炒之後依然能食出鮮味。至於個黃金流心蝦球入口鬆化, 蝦肉咬落新鮮彈牙, 每隻只是$28超低(不過不可以貪心, 每人一隻便夠)。啫啫介蘭煲又係好正, 介蘭非常爽甜, 味道又不會太濃太油。蟹油銀芽炒麵炒得好乾身好有鑊氣, 再加上他們秘製的蟹油辣椒醬(這個配搭同出面的食店的炒麵有就有很大分別了)。總體各位姐妹對今晚這餐都好滿意, 我同另外2位姐妹還買了辣椒醬返屋企添。