松坂日本料理 (Closed)

記得上次黎食呢度食湯烏冬幾好味，而男友又鍾意食日本野，所以決定重遊舊地~~呢間餐廳唔會話好多人要等位，可能佢既位置比較僻靜喇!!咁都好既~~起碼唔洗等到傻都未有得食....我地order左一個吞拿魚飯、一個銅燒烏冬，另外叫左一客三文魚sushi，由於sushi都要 HK$40一客(兩件)，所以都唔敢叫得多.先講三文魚sushi，上枱已經被個賣相深深吸引到，肉質非常有光澤而食落口係肥美同鮮嫩，其他日本料理果d質素真係無得比，呢d真係一分價錢一分貨!!大家可以係圖片入面見到d吞拿魚片都係一樣好有光澤，而且個飯整得好靚，魚同飯之間仲有薑絲同蛋絲~~男友食得好滋味到我個鍋燒鳥冬，面質雖然唔係話好彈牙，但配合埋個湯底幾好味，美中不足就係個湯偏鹹同埋個炸蝦天婦羅浸軟左，但整體上都係滿意!!我地食完繼續坐係度傾下計，侍應幫我地收左d野之後話請我地食雪糕，我地係度估....日本料理既雪糕都不外乎係綠茶、黑之麻同紅豆。果然~~係紅豆雪糕~我既最愛!!雖然頭幾啖食落係奶味重d, 但咬到粒粒紅豆, 真係好滿足!!小意見：餐廳燈比較暗淡，設計舊少少，而且係開放式廚房，會有油煙味...導致男友話有陣怪怪地味。餐