鮨川 (Closed)

屋企人想食omakase，上網搵咗幾間，見到呢間鮨川嘅嘢食相睇落唔錯，決定嚟試下。Omakase好唔好食，真係好睇廚師同食材嘅質素。咁呢間又做得幾好，食材每日新鮮空運到港，廚師對唔同食材嘅配搭又有心思，食落有意外之喜。我個人鍾意佢個吞拿魚手卷，真係做到omakase 要嘅鮮同質素。屋企人比較鍾意海膽，佢話冇諗過海膽配豆腐又幾好食。我覺得同食材本身質素有關，質素夠好，好難整得難食嘅。餐廳喺銅鑼灣，雖然冇咩超靚海景林景，但勝在位置方便，而且餐廳入面乾淨企理，房入面睇唔到廚師整，但相對有私隱同寧靜，加上啲職員話有噴啲消毒抗菌，都安心食得。整體嚟講係高於預期，抵食嘅。