漫花燈火OMG (Closed)

呢間真係已經唔需要再多介紹，網紅必到的打卡餐廳，相信好多人去過食過亦都瘋狂影過相，無錯，食物其次，影靚相才是重點。佈置好有心思亦好夢幻，先經過門口一條全是鏡子的萬花筒隧道，用餐區的天花板掛滿紫藤花，四周全是彩色繽紛的牆紙及裝飾，立即少女心爆發，大影特影。餐點方面都是精緻的西式美食，先來飲品，抹茶拿鐵飲得多，薑黃拿鐵就第一次飲，薑黃味道頗濃，飲完仲剩好多薑黃粉未溶晒留在杯底，證明落得幾重手。黑松露蜜糖香草燒原隻美國春雞好大隻雞腿，雞肉肉質嫩滑再蘸黑松露醬汁好惹味；至於雙式芝士脆片經典千層麵沒有想像中超濃芝士味，不過麵底厚度適中，連埋肉碎一齊食係唔錯；甜品Fika的最上面是mousse製的雲朵，藍天是脆脆地的蛋白霜，最下層是抹茶餅乾碎、紅豆蓉及麻糬，不會太甜，賣相有趣。整體來說食物有水準但未至於好驚艷，所以相對而言感覺價錢偏高，不過有些費用當是租了個攝影棚影下相，都ok呀！