Video
Read full review
2012-03-05
252 views
呢一間大排檔我發誓一世都不會去囉！環境評分：1分（5分為滿）我們到達8時左右，已經要坐到很遠的橋底位置，我們一路食，d路人就響度望，有d路人仲會擦過我地張枱行出馬路，可想而知我地坐既環境幾惡劣。服務評分：1分（5分為滿）果日我地經過元朗，諗定上open rice search下元朗有乜好野食啦！邊我地搵到呢間『一品紅』，我地8:05左右去到，已經好多人，我地要坐到老遠的橋底，我地已即刻order著名的雞煲、水煮豬頸肉同川北涼粉，等左大約7分鐘左右，川北涼粉就已經送到來，味道ok，o岩我地口味！我地仲好開心又好期待佢地聞名的雞煲，以為應該不會令我地失望，但之後一直就響度等，亦聽到隔離幾枱d人都話d野食好耐都未離，等到8:45左右，隔離枱就叫伙計埋黎，投訴d野好耐未黎，個伙計就話幫佢催下，我見隔離枱仲遲黎過我地都催，我地咪又叫個伙計幫我地催埋囉！結果9點左右我地個水煮豬頸肉先黎，到9:0x左右隔離個雞煲竟然到左囉！我地黎先叫先都未有，我地即刻叫個伙計理論，佢又跑去話問下先喎！點先回來答我地是搞亂了單，宜家即刻幫我地煮，我地初頭都算啦！想食咪諗定等下囉！等到9:30左右，都仲未黎，我地特登再
環境評分：1分（5分為滿）
我們到達8時左右，已經要坐到很遠的橋底位置，我們一路食，d路人就響度望，有d路人仲會擦過我地張枱行出馬路，可想而知我地坐既環境幾惡劣。
服務評分：1分（5分為滿）
果日我地經過元朗，諗定上open rice search下元朗有乜好野食啦！邊我地搵到呢間『一品紅』，我地8:05左右去到，已經好多人，我地要坐到老遠的橋底，我地已即刻order著名的雞煲、水煮豬頸肉同川北涼粉，等左大約7分鐘左右，川北涼粉就已經送到來，味道ok，o岩我地口味！我地仲好開心又好期待佢地聞名的雞煲，以為應該不會令我地失望，但之後一直就響度等，亦聽到隔離幾枱d人都話d野食好耐都未離，等到8:45左右，隔離枱就叫伙計埋黎，投訴d野好耐未黎，個伙計就話幫佢催下，我見隔離枱仲遲黎過我地都催，我地咪又叫個伙計幫我地催埋囉！結果9點左右我地個水煮豬頸肉先黎，到9:0x左右隔離個雞煲竟然到左囉！我地黎先叫先都未有，我地即刻叫個伙計理論，佢又跑去話問下先喎！點先回來答我地是搞亂了單，宜家即刻幫我地煮，我地初頭都算啦！想食咪諗定等下囉！等到9:30左右，都仲未黎，我地特登再去櫃枱嘈佢，佢又話整緊差少少就得！到9:50我地都係無得食，我地真係嬲到一吐火！差不多2個鐘都未煮好？乜野雞要煮咁耐呀？就算漏單我地都俾左時間佢地再煮過啦！如果無心煮就唔好敷衍我地囉！索性話無我地咪食第二樣囉！呢間野既生意手法我諗都係拖字訣，我另外隔離一枱4人，比我地早來，又係到我地嬲到走都仲未黎齊野，我仲聽到佢地本來要包心菜，又係一直未黎，到叫伙計催佢個包心菜時，過一陣個伙計拎碟已炒好的菜心黎，話包心菜無晒，食菜心就即刻有一碟炒好囉！佢地答我地唔係要菜心喎！我地無理由要喎！跟住拎住碟菜心既伙計就走左，佢地再叫另一伙計黎，話轉西蘭花，個伙計話咁你就要等下啦！到我地嬲到走時，佢地既西蘭花都仲未有踪影囉！
仲有到我地拎張單去櫃枱同佢講我地唔會再等個雞煲，叫佢埋單計數，佢地一d歉意都無，仲要拎張單睇響度睇，大大聲同我地講『咁其他你地食左架啦』就響度計數，d態度衰格到嘔！我地唔係諗定賴數既人囉！唔係以為我地唔俾錢呀！個雞煲等左差不多2個鐘唔黎我地梗係走啦！仲要俾氣我地受！好似我地去求佢唔好收個雞煲錢咁！今時今日咁既服務態度，有邊個仲可以忍佢呀？全世界無晒雞我都唔會去食佢囉！
食物質素：3分（5分為滿）
1. 川北涼粉（3分）
我地叫中辣，辣度ok，涼粉亦算爽身，頗入味，但未至於好突出。
2.水煮豬頸肉（3分）
我地叫中辣，但它的辣度不及同樣是中辣的川北涼粉，豬頸肉頗入味及爽口，而且湯汁中有很多芽菜，其實芽菜很好味很吸引，但因湯汁中混有大量胡椒粒，我試過一湯匙芽菜連湯汁中已有十多粒胡椒粒，不小心挑漏了的胡椒粒如放進口中咬時，會十分苦，是一大敗筆！
3.雞煲（0分）
等了接近約2小時也吃不到，很谷氣！
Post