長發麵家 (Moved) New Location

長發既魚旦唔係一般機造出黎一餅餅方形嗰啲, 係一粒粒圓形既, 彈牙有魚味, 令人成日心思思想黎食碗, 有時我會買半磅返屋企煮麵食, 真係好好味, 我見有啲食客一碗唔夠喉會另外再叫碗淨魚旦黎食。另外呢度既豉油撈麵都好出名好好味, 落左豬油落去撈, 超香超好味, 不過我今次一個人食唔哂所以無叫到。食唔到多個麵都掛住嗰陣豬油味, 所以都叫左個韮菜花食, 都有落到豬油上面, 韮菜花超嫩超甜, 一啲渣都無, 我眼見個個都會叫。環境就一般大排檔feel, 但我反而鐘意呢種地道既感覺。啲伙計好友善, 有時會同你傾幾句添, 有時食野就係想食到呢種人情味吧。