Video
Read full review
2018-07-14
175 views
前幾日老媽子喺屋企群組send咗幾幅相嚟，係佢啲雀友去利寶閣晚飯嘅相，就係咁話好想去食仲先斬後奏book埋枱，睇嚟佢雀友應該讚到唔食唔得咁。一上到17樓打開𨋢門就係寬敞光猛嘅環境，樓低好高，幾盞亮麗水晶燈。窗外係尖沙咀夜景，枱亦有排到密密麻麻，坐得幾舒服。打開餐牌，傳統中菜當然有啦，燕窩鮑魚魚翅海鮮齊晒，比較特色嘅都唔少，例如【明太子賽螃蟹】、【蛋黃醬脆皮石班粒】。不過我地睇咗係兩個優惠價嘅set。【谷飼豚肉叉燒飯配原盅佛跳牆 原價$256 優惠價$188】原盅佛跳牆 - 材料好豐富，有齊鮑魚、遼參、魚翅、花膠、瑤柱、花菰、蹄根。先飲啖靚湯，睇落真係好清差不多完全冇油，餐牌標註【本集團食品不添加味精少鹽少油】應該不假。雖然係咁，但飲落都鮮味濃郁，相當不錯。鮑魚、遼參都好爽彈。花膠就啱晒老媽子美顏，魚翅亦都唔少，都真係足料架。谷飼豚肉叉燒飯 - 完全係《食神》中嘅黯然銷魂飯！叉燒肥咗少少，勝在口感非常軟腍，咬落真係唔係好相信佢係叉燒嚟，好邪惡但真係好食，成隻荷包蛋撈飯食，又滑又有蛋香，再大大啖叉燒，好滿足。啱晒平時鍾意食燒味飯嘅老豆。特別優惠【上湯龍蝦伊麵(1隻)+燒汁脆皮雞(半隻) $
一上到17樓打開𨋢門就係寬敞光猛嘅環境，樓低好高，幾盞亮麗水晶燈。窗外係尖沙咀夜景，枱亦有排到密密麻麻，坐得幾舒服。
打開餐牌，傳統中菜當然有啦，燕窩鮑魚魚翅海鮮齊晒，比較特色嘅都唔少，例如【明太子賽螃蟹】、【蛋黃醬脆皮石班粒】。不過我地睇咗係兩個優惠價嘅set。
【谷飼豚肉叉燒飯配原盅佛跳牆 原價$256 優惠價$188】原盅佛跳牆 - 材料好豐富，有齊鮑魚、遼參、魚翅、花膠、瑤柱、花菰、蹄根。先飲啖靚湯，睇落真係好清差不多完全冇油，餐牌標註【本集團食品不添加味精少鹽少油】應該不假。雖然係咁，但飲落都鮮味濃郁，相當不錯。鮑魚、遼參都好爽彈。花膠就啱晒老媽子美顏，魚翅亦都唔少，都真係足料架。
谷飼豚肉叉燒飯 - 完全係《食神》中嘅黯然銷魂飯！叉燒肥咗少少，勝在口感非常軟腍，咬落真係唔係好相信佢係叉燒嚟，好邪惡但真係好食，成隻荷包蛋撈飯食，又滑又有蛋香，再大大啖叉燒，好滿足。啱晒平時鍾意食燒味飯嘅老豆。
特別優惠
【上湯龍蝦伊麵(1隻)+燒汁脆皮雞(半隻) $388】
上湯龍蝦伊麵 - 一隻大龍蝦，除左蝦身仲有埋鉗，龍蝦肉爽彈，旁邊亦有啲蝦羔，正。伊麵撈埋個芡係好惹味，我哋食盤麵食清光。
燒汁脆皮雞 - 雞皮堅係脆，咬落係食紫菜咁聲。雞肉味夠濃，只係肉質有少少「嚡」，但都已經唔錯。
食完仲送糖水紫米露添。
呢度美食、靚景兼備，喺尖沙咀仲要係大商場高層嚟講，呢個價錢係相當抵食。而家仲做緊信用卡優惠餐，其中一個6位用只係$888，有烤鴨、花膠、蝦球、石班。每人先百幾蚊，相比出面茶仔食個lunch都要四五十，簡直係抵到爛。呢頭講完，老媽子就已經拍低menu放上雀友group⋯⋯
Post
