辻利茶舗 (Closed)

我淨係去過京都火車站、東京銀座辻利食雪糕，然而未試過喺香港幫趁。我以為辻利只係飲茶食雪糕，京都東京店又唔覺眼有飯麵食，點知原來apm店有飯麵！於是當然要去試吓啦，咁就係我第一次係香港幫趁辻利。我十二點二去到，前面一個人買緊，好快到我，堂食無乜人，可能d人外賣多。我叫左個叉燒蛋飯、菠蘿煎茶。大約十分鐘拎到食物。叉燒好稔唔痴牙，正！飯再熱返少少少少會開心啲。菠蘿煎茶好重菠蘿味，茶味在哪？不過我喜歡菠蘿，當菠蘿汁飲ok. 另送一兜四件甜品，好香茶味，一舊不錯，兩舊喉頭覺甜爺爺，三舊甜到開始漏，四舊要飲返啖野送。整體還可，不過不失，尚算食得舒服。Total 112元，因為叫了飯，飲品因此半價。