越興園越南菜館 (Moved) New Location

尋晚晏咗身，成九點幾先落街食鈑，男朋友問食唔食越南嘢，我又冇所謂，於是去咗呢度。入到去有卡位，但又要坐埋一邊，我哋好肚餓，不過嗌咗一陣至有人過嚟落單，我男朋友叫咗兩個湯粉，個Ｗａｉｔｅｒ無端端行開咗去擢住門口Ｄ人，搞咗一陣至番埋黎話繼續。我哋每人要咗一個湯河，一碟通菜，一份烤豬肉卷，一份越式蝦條。坐咗冇耐，對面有人坐低咗搭枱，佢好快就落咗單跟住做佢自己嘢，我同男朋友都心諗應該好快Ｄ湯粉會嚟，等咗一陣，對面個哥仔Ｄ嘢已絰到咗，不過人哋叫檬，佢就淨係比咗個碟串燒人哋，後尾哥仔同佢哋講佢係要串燒牛肉檬，佢哋先再用個餸碟盛Ｄ檬比嗰個哥仔。望住人哋食，自己就好鬼肚餓，我男朋友叫個Ｗａｉｔｒｓｓ睇吓點解Ｄ嘢食咁耐，個姐姐即刻反問我男朋友「乜係我同你落單嘅咩？」我男朋友都有禮貌地同姐姐講唔係，係另外嗰位哥哥。之後個Ｗａｉｔｒｓｓ嗌咗同我哋落單嗰個Ｗａｉｔｅｒ過嚟，佢禁完部機之後我哋已經有Ｄ興，我哋話如果冇落單就算我哋唔想再等，跟住我哋就起身走，到門口個Ｗａｉｔｅｒ至同我哋講唔好意思，我即刻「噪咗」！我男朋友之前都唔係太鍾意呢間嘢，因為佢之前食過一次諗住食河粉問佢哋攞甜醬，點之佢哋換嚟一句「吓？甜醬？