Seafood Stand (Closed)

同朋友尖沙咀行完街又攰又餓，行去尖東站搭車途經呢間舖頭，我哋就走左入去醫肚。睇下餐牌，餐廳主打漢堡同沙律，漢堡餐包薯條、汽水都係四十幾、五十幾蚊，價錢公道。我哋點咗：安格斯牛堡餐($58) - 呢個餐包括漢堡、薯條同汽水。漢堡餡料有: 安格斯牛肉、芝士、番茄、紅洋蔥、生菜、酸瓜，用料新鮮，口感味道豐富。主菜安格斯牛肉牛味濃郁，口感幼滑。正！跟餐嘅薯條的薯仔味濃，比一般的快餐店薯條好食好多。👍鰻魚汁豬堡餐 ($55) - 同樣有薯條同汽水。豬堡肉質juicy唔嚡口，加上酸酸甜甜嘅白蘿蔔絲同鰻魚汁，味道鮮美，配搭簡單但十分好食。推介！👍炸白菌 ($25) - 白菌新鮮爽口，炸醬鬆脆唔油膩，配上味道酸甜嘅醬汁，一啖一粒，過癮！😋煙三文魚薯仔沙律 ($45) - 材料有煙三文魚、薯角、番茄、紅洋蔥同沙律菜。材料新鮮，煙三文魚肉質緊緻，口感彈牙；沙律本身加左黑醋調味，再加上沙律醬，清新好味😘有美味薯條我哋額外點左下面的醬汁：蠔味蛋黄醬 (跟餐+$5) - 質感厚身，蠔味濃而唔腥，辣味沙律醬 (跟餐+$5) - 酸酸辣辣，滋味過癮😜呢間係一間以滋味美食取勝的小店。