Video
Read full review
2018-02-07
296 views
雖然有啲人話去少次日本就可以夠錢買樓，但係其實有咩可以阻擋香港人去日本嘅心吖？今年嘅工作真係好繁忙，連返「鄉下」嘅機會都冇乜，要解呢啲單思嘅苦最好就係食返啲好味嘅日本菜喇！其實有陣時都好佩服自己好夠膽試新嘢，雖然有陣時都會中伏，但係如果搵到一間真係好味嘅小店係好開心嘅！入到去坐低，店員好熱情咁樣為我地遞上餐牌，呢啲咁凍嘅日子有杯熱辣辣嘅茶係正嘅！睇一睇個Menu，都好多嘢食揀，但係我真係好想好想食壽司，所以問都冇問過大少就決定買呢一個極上壽司拼盤😜其實大少麻麻哋魚生，所以有陣時去食日本嘢真係要揀番啲有質素嘅俾佢食，因為稍為爭小小佢都真係會唔食😒上菜時間唔算好快，都等咗成15分鐘先至上呢個壽司拼盤。正當我想問店員之際，佢捧住一大盤壽司過嚟仲要擺到咁鬼靚，我直頭覺得有啲唔好意思！全部嘅刺身都真係非常新鮮，仲要係塊塊都厚切！連平時大少最憎食嘅劍魚腩佢都話好正，咁就知道我冇揀錯喇！牡丹蝦係我嘅至愛，連個頭啲膏都甜到不得了😍唯一爭少少嘅就係個龍蝦沙律壽司，就係有少少鹹啫，但係都已經好味過好多日本餐廳啦！吞拿魚腩卷亦都係我好鍾意嘅壽司，佢呢度擺到成朵花咁其實真係好吸引。所謂色香味俱全，擺盤係真係唔
雖然有啲人話去少次日本就可以夠錢買樓，但係其實有咩可以阻擋香港人去日本嘅心吖？今年嘅工作真係好繁忙，連返「鄉下」嘅機會都冇乜，要解呢啲單思嘅苦最好就係食返啲好味嘅日本菜喇！
其實有陣時都好佩服自己好夠膽試新嘢，雖然有陣時都會中伏，但係如果搵到一間真係好味嘅小店係好開心嘅！
入到去坐低，店員好熱情咁樣為我地遞上餐牌，呢啲咁凍嘅日子有杯熱辣辣嘅茶係正嘅！睇一睇個Menu，都好多嘢食揀，但係我真係好想好想食壽司，所以問都冇問過大少就決定買呢一個極上壽司拼盤😜其實大少麻麻哋魚生，所以有陣時去食日本嘢真係要揀番啲有質素嘅俾佢食，因為稍為爭小小佢都真係會唔食😒
極上壽司拼盤
$598
13 views
0 likes
0 comments
上菜時間唔算好快，都等咗成15分鐘先至上呢個壽司拼盤。正當我想問店員之際，佢捧住一大盤壽司過嚟仲要擺到咁鬼靚，我直頭覺得有啲唔好意思！
全部嘅刺身都真係非常新鮮，仲要係塊塊都厚切！連平時大少最憎食嘅劍魚腩佢都話好正，咁就知道我冇揀錯喇！牡丹蝦係我嘅至愛，連個頭啲膏都甜到不得了😍唯一爭少少嘅就係個龍蝦沙律壽司，就係有少少鹹啫，但係都已經好味過好多日本餐廳啦！
香蔥鮪魚腩小卷
9 views
1 likes
0 comments
吞拿魚腩卷亦都係我好鍾意嘅壽司，佢呢度擺到成朵花咁其實真係好吸引。所謂色香味俱全，擺盤係真係唔少得嘅尤其係日本菜！中間嘅蔥，細細條，都係啲比較好啲嘅日本餐廳先會用到。之前去台灣食omasake ，師傅都講過呢啲蔥比較貴唔係間間餐廳都會用！佢完全冇嗰種青青地嘅味道，反而夾埋壽司一齊食係有股好香嘅味，仲有少少爽口嘅感覺㖭！
海膽軍艦
7 views
0 likes
0 comments
我最愛嘅海膽海膽海膽呀😍😍😍
一睇就知道份量一啲都唔孤寒，淡淡的海水味有救鮮甜，只係啲青瓜絲多咗少少，搶咗少少味啊！
京都醬油牛肉窩
$148
10 views
0 likes
0 comments
店員好細心咁係上完壽司冇幾耐就幫我地安排呢個牛肉鍋，食完凍嘢食返啲熱嘢暖下胃。喺香港，好難食到啲好味嘅牛肉鍋，唔係太鹹就太淡。其實我喺日本食嘅牛肉鍋好多時候都係偏甜少少嘅，呢度就係嗰種味喇！終於牛肉嘅份量都有好多塊，都幾有睇頭㗎！😋
銀鱈魚西京燒
$158
23 views
0 likes
0 comments
銀鱈魚西京燒，呢一道菜亦都係我同大少好鍾意嘅！呢度燒到個皮脆卜卜，啲油香滲晒出嚟。但係個魚依然係滑捋捋，亦都冇過分調味唔會話太鹹或者太甜咁！
牛舌串燒
$48
19 views
0 likes
0 comments
食完晒仲未夠滿足就加多兩支串燒啦，順便試吓佢啲串燒係咩質素。個牛脷係用生牛脷嚟燒成，外面係有好多日本餐廳都係用熟嘅牛脷來做串燒，雖然都會好腍，但係就冇嗰種好juicy嘅感覺! 雞軟骨燒到脆卜卜，但係入邊仲係有啲咬口，呢度啲串燒都幾值得推介喎！
兩個人埋單＄1000多啲，我覺得呢度係有質素嘅，下次老爺生日都可以帶佢嚟食😝😝
Post
