泰濃麵 (樂道)

Open Now

Now Closed

今日尖沙咀收工搵地方食個晚飯，去左喺樂道嘅泰濃麵，鋪面細細間但裝修充滿泰國色彩，地方唔算好大，以1-4人細台為主。今日叫左一碗麵，一個飯一個沙律同兩杯野飲，呢度無太多複雜嘅菜色，以麵食同小食為主，如果要食咖哩/ 海鮮果啲就唔會有，但重點放返喺今日叫嘅野食度啦。冬陰功肥牛配黃麵冬陰功湯麵好多地方都會有，不過唔係間間都做得好，配料有驚喜，本身以為會淨係得肥牛，原來仲會配埋蝦、青口、蟹柳。湯頭味道合格，唔會好辣嗆喉，怕辣嘅都可以食到，整體呢碗滿足到泰國癮之餘又食得舒服。海南雞飯泰國菜國人必試就係海南雞，因為師傅功力最容易睇得出，佢個海南雞今日斬到雞胸同雞髀，雞皮爽滑唔肥，雞肉腍滑，配泰式嘅酸辣雞醬，不過如果有埋個雞湯就正，醬汁同黃飯就正正常常，不過份量可以多少少，男士呢講可能有啲唔夠飽。青木瓜沙律個人口味覺得比較差嘅係呢個沙律，味道偏酸唔夠層次，辣度不足，無常見嘅蝦皮而用左蝦米乾，口感唔夾，花生同豆角蕃茄份量偏少。飲品青檸梳打同龍眼冰味道普通無乜特別，特飲選擇唔係好多。整體呢講，菜式選擇唔算好多，出品質素合格，不過見佢餐牌上面有啲Fancy嘢，例如個原隻波士頓龍蝦同A5黑毛和牛，睇吓有無勇士