Video
Read full review
2020-02-25
476 views
LUNGO 係隱身於九龍灣工廠區嘅高質咖啡店，咪睇佢舖仔細細得幾個座位，但係就有自家烘焙嘅咖啡豆提供。幫襯當日天氣好熱，我一心想飲凍啡，於是就 order 咗杯 Coffee Layer，冰凍嘅黑咖啡面頭有一層棉密嘅泡沫，口感獨特；咖啡偏濃而果酸味較少，係我鍾意嘅味道👍。不過其實呢度最出名嘅係 bagel，款式多，有鹹有甜，我諗咗一陣，最後揀咗 Pastrami & Guacamole。上枱時，店員好窩心咁將個包稍微加熱，並且一分為二，方便進食。咬一口，立即感受到 bagel 獨有嘅煙韌口感，以及包面白芝麻同罌粟籽嘅香味。餡料方面，我個人就好鍾意牛油果醬嗰種甘甜嘅味道，配合埋 cream cheese，燻牛肉同沙律菜，好清新，好好食。小店由兩名年青男孩主理，佢哋除咗忙於製作食物同咖啡外，更忙於同熟客仔傾偈，喧寒問暖，充滿人情味。呢啲就係小店嘅吸引力所在
不過其實呢度最出名嘅係 bagel，款式多，有鹹有甜，我諗咗一陣，最後揀咗 Pastrami & Guacamole。上枱時，店員好窩心咁將個包稍微加熱，並且一分為二，方便進食。咬一口，立即感受到 bagel 獨有嘅煙韌口感，以及包面白芝麻同罌粟籽嘅香味。餡料方面，我個人就好鍾意牛油果醬嗰種甘甜嘅味道，配合埋 cream cheese，燻牛肉同沙律菜，好清新，好好食。
小店由兩名年青男孩主理，佢哋除咗忙於製作食物同咖啡外，更忙於同熟客仔傾偈，喧寒問暖，充滿人情味。呢啲就係小店嘅吸引力所在
Post
