富記飯店 (Closed)

我試冰鎮芥蘭，簡直搵笨，數埋唔夠三的芥蘭有規律地直插碎冰上，味道真係淸新，白烚嘛，但我真係食唔出呢道名菜有咩特色。48蚊可以買到幾多棵芥蘭呢....招呼一絕!我明明之前食過泰式雞翼，好惹味，今次諗位食過返尋味，點知伙計畀碟乾煎雞翼畀我，我以為跟錯單，誰知話係咁樣喎，我據理力爭，後尾另一位伙計話係廚房搞錯，未加個汁就拎上．．．點知好戲在後頭，所謂真正的泰式雞翼同我兩個月前食係面目全非，我覺得好搵笨，講講下個伙計先話換個廚師，仲話：「係咁架啦，做唔返之前個畀啦，你試先啦！」係佢話如果試唔可以唔計數之下，我一試，結果係鹹，根本唔係什麼泰式雞翼。同大班朋友食飯．．．有時味道相差一點都算數，但今次係勁跌Watt，於理不合。