上海一品香菜館

Open Now

Now Closed

今晚家中無煮飯同父母一起出街食，心知老豆剩係喜歡食中餐，所以想起這間又經濟又美味的上海菜館，此間啱晒老豆口味。間舖四百平方尺左右眼見有三張大圓枱，枱可供8至10人坐仲有幾張細枱，夜晚旺場時會額外添置幾張枱放在舖位外近lift位置，lift位無咩人經過，都坐得好自在。攞位等候時間十分鐘左右，阿姐好有禮問幾位，講最好人齊先入客客氣氣的，有時仲問你依個位啱唔啱，好體貼充滿了人情味。今晚點了碟楊州炒飯，白飯都要十蚊叫炒飯感覺上抵好多，而且飯炒得不錯好多蛋粒粒飯用來撈汁食幾正。糖醋桂花魚魚肉質比較嫩，味道拍得住大酒家水準，百一蚊真係好抵，每次來都係穩膽之選。雞絲粉皮夠凍夠爽粉皮夠滑麻醬好味，整體做得出色，每次來也是一定會叫。南翔小籠包皮薄餡靚多湯汁點醋慢慢歎，一籠八件好抵食。整體而言，我食個幾次搵唔到有咩唔好食，係一間用心經營有人情味的上海菜菜館，要好好珍惜。