櫻桃麵飽西餅

Open Now

Now Closed

平時行開行埋，只要一經過櫻桃，就會比佢嘅酥皮蛋撻吸引住。無他嘅，因為佢新鮮出爐個陣香味真係令人難以抗拒。基本上每次行過都會買半打。是日又買咗半打返屋企，由於我買咗太多嘢所以返到屋企嘅時候個盒變咗形，但都無整爛到啲蛋撻。打開已經有陣陣嘅香味飄出嚟。即時同阿爸阿媽一人一個。食食下先記得，我仲未影相添🤣酥皮外層非常鬆軟。而且鬆得嚟唔會話一咬就散，蛋撻蛋味香濃。食得出佢落嘅蛋係多過啲蛋漿。而呢個價錢呢個味道嚟講可以話非常出色。配埋杯咖啡可以話係一個非常之滿足嘅下午茶。