曼谷水門海南雞飯 (Closed)

早前收藏左依間好耐 今次好耐冇食海南雞飯 就專登黎左旺角食店舖其實唔明顯 我係通菜街行左兩次都見唔到 終於第三次先搵到 原來係商業大廈入面既店舖 門面相當低調😅依間店舖賣既食物唔多 主要推廣當然係海南雞飯同芒果糯米飯，價錢方面係絕對超值，抵到你都唔信 今次就係叫左依2款食物：粉紅海南雞飯（$36） 同芒果糯米飯（$18） 。 聽聞以前海南雞飯只售$30 依家加到依個價都依然好抵 。唔好以為$36一個飯就會份量好細 相反 係一份正常份量 一個正常飯量既人食完一碗都飽哂 。 不得不說，味道比想像中好 ， 啲雞好滑好嫩，飯味道濃郁，入面仲加上香茅，係超級地道既海南雞飯，出面食冇咁精緻 。到甜品-芒果糯米飯。 依間用左糯米同埋紫米混合做成 加上椰汁 味道超級襯又好味 糯米飯軟糯 食得出係新鮮做 唔係硬到好明顯雪左好耐。 不過美中不足係芒果有小小酸 都係因為現時唔係芒果季 。$18份量都唔細 如果兩個人黎當甜品share都係超有格調值得一提係 依間價錢親民抵食 仲要免加一 服務都好好 絕對值得不停反兜再食