Ocio (煙廠街) (Closed)

有時去開旺角近油麻地個頭都唔知食咩好，由其係廣華醫院附近，今次Lunch time喺附近想簡簡單單食個西餐，所以揀咗去「Ocio」~ 🧡巴馬火腿雜菌茄汁長通粉（$63）有好幾片肉質柔軟嘅巴馬火腿，鹹香味十足，食落會慢慢散出一陣甘甜！雜菌茄汁長通粉調味恰當，微酸開胃易入口！ 🧡照燒汁牛柳粒意粉（$65）一上枱就香氣撲鼻，聞到口水都就流出嚟~意粉炒得好有鑊氣，好似平時去大排檔叫啲炒粉麵咁~醬汁濃郁入味，牛柳粒俾得絕對唔孤寒，成碟都係，好抵食！ 午餐仲包埋餐湯同飲品，如果想平平地喺旺角油麻地食個西餐Lunch，呢間都係一個唔錯嘅選擇~