Simplylife Bakery Cafe (Closed)

同朋友冇見一排，約咗午餐係九龍灣公司附近食飯，由於我放12點嘅關係，所以並沒有預約就去咗呢間，點知12點去到都已經好滿人，店舖入面面積都幾大，所以好多座位，所以並不需要等候就入到，座位歡堂，環境都幾好。我哋兩個都叫咗午餐前菜沙律，沙律落咗醋，唔係普通沙律醬，比較健康！另外見到隔離枱嘅南瓜餐湯好吸引，下次試吓先同朋友分別叫咗兩個午餐，魚柳他他汁漢堡同洋蔥蘑菇汁雞肉漢堡，兩個都可以試下個人認為魚柳嗰個好好食，雞肉漢堡反而有點乾，但係個汁都係唔錯的。