Koffee Mameya & Omotesando Koffee

Open Now

Now Closed

灣仔店啱啱開喺利東街嘅時候去過，嗰時返工喺嗰頭，最記得完咗lunch hour都要排隊買的😂 今日朋友要去K11 Musea買嘢，買完嘢諗住飲杯咖啡，「陳豪」咖啡同佢之間，我哋揀咗佢。裝修簡約，鋪頭座位唔多，一行三人去，可能因為平日關係好彩有位。舖頭埋邊仲有手沖咖啡，再有隱私啲，但價位再高啲。叫咗 #IcedMochaccino $63 同 #IcedCappuccino $57 ，爭扎咗陣要熱定凍。咖啡嚟講，我都係鍾意熱多啲，但喺OpenRice見到好多人推介凍嘅，最後都係決定飲凍！兩杯咖啡上面都Cream同可可粉，賣相係幾靚嘅，但味道我覺得唔太特別🤔另外叫咗 #EggSando $58 ，望落個蛋係勁滑，我一食落去嗰下，有啲牛油味之外，有Wasabi味🤣 仲有叫咗 #Kashi $12似硬身蛋糕仔中間有啲吉士，甜甜的，朋友話送咖啡一流。