759雲吞麵 (Closed)

第一次寫食評！食完令到我要開個ac 打文章，廢話不說，因平時經常光顧759 store ，本身有好印象，所以想來試，為免中大伏，我只係叫左碗招牌雲吞麵，3-4分鐘整好，唔算耐（餐廳唔多人），一黎到我心諗，我叫錯左下午茶餐咩？點解細碗到咁？但事實上係冇！食完整體感覺是這樣的，份量太小，跟本正常你之前未食過野情況下唔會飽（基本上係出面嘅小一半份量）。生麵嘅質料太奇怪，雖然唔講得上難食，但求其去一間茶餐廳都好食過佢，湯底一般般，冇咩特別好講，真心評論只係一碗超級普通嘅雲吞麵，我唔明點解夠膽死可以開$30蚊一碗嘅價錢，的確起雲吞方面係好似落足料咁，大大粒，算幾好入口，但都難以彌補以上嘅嚴重缺點，如果真係要讚，職員嘅態度我覺得係唔錯（希望唯一嘅優點佢可以keep住）btw!我諗唔到仲會返轉頭食759餐廳嘅任何原因。完