韓正屋韓國料理 (海壩街)

Open Now

Now Closed

呢排唔知係咪中咗韓劇毒，keep住都想食韓國野，今日就叫咗媽咪陪我🤭呢度嘅lunch menu都有幾多選擇，板燒飯、石頭鍋飯、辛辣麵、韓式烏冬，年糕都有八款咁多媽咪揀咗人蔘雞湯加人蔘茶，我即刻話使唔使咁補啊😂都係原隻雞上，裏面有糯米、栗子、鮮人蔘同紅棗，媽咪話雞肉夠腍夠入味，湯底味道唔算好濃郁，但有清香嘅人蔘味我就揀咗魚糕串粉絲鍋，再加左兩樣，韓式煎泡菜餃子同牛肉紫菜卷，魚糕粉絲鍋估唔到份量咁多，有兩串魚糕，青口、娃娃菜、金菇，味道正常發揮，如果加辣就更加正🤤韓式煎泡菜餃子有八粒，泡菜餡都算多，啱啱炸起夠食夠脆，呢個幾好食牛肉紫菜卷其實我唔應該叫，因為根本會食唔晒，最後剩低兩舊🤣用傳統做法有菠菜、紅蘿蔔、牛肉、醃蘿蔔，口感唔錯，有麻油香味最後飲返杯凍韓國麥芽玉米茶，完美嘅Lunch😮‍💨完全滿足到我，重點係埋單先二百幾蚊！抵食！