Video
Read full review
2023-04-01
64 views
講起飲啤酒就一定會諗起居酒屋啦，今日經過何文田既呢間高性價比既居酒屋，主打串燒同埋燒物，而且仲有唔同既是日推介，於是決定入去試一試。餐廳既門面充滿日式既感覺，一入到去就覺得好似去到日本既居酒屋咁。雖然座位唔算好多，不過絕對坐得舒適。打開餐牌見到有唔少選擇，刺身、串燒、鍋物、一品料理等等應有盡有，價錢亦都唔貴，今次就叫咗幾款試下。🎈螢光魷魚昆布漬 $45前菜就叫咗一份螢光魷魚昆布漬，螢光魷魚鮮味十足，拌埋昆布、特製醬汁同生蘿蔔絲一齊食，味道好夾之餘仲非常開胃。🎈蜜柑鯛 $98刺身就叫咗一份蜜柑鯛，魚皮因為有用火炙輕輕燒過，所以魚既香味更加突出。餐廳建議第一啖先食原味，魚肉有淡淡既蜜柑味，清甜而且肉質細膩，第二啖再加埋山葵醬油亦都好好食。🎈燒牛舌 $45第一款串燒終於到啦，牛舌燒到外焦內嫩，而且仲保留咗唔少肉汁，睇得出廚師既火候控制得好好，值得推薦。🎈燒鮮鰻魚 $45鰻魚好厚身但火候適中，一口咬落去感覺到好新鮮同嫩，調味亦都岩岩好。🎈燒雞翼 $35餐廳用既係阿波尾雞翼，Size會比一般既雞翼大隻少少。雞翼既脂肪唔多，但肉質好鮮嫩，雞皮亦都好焦脆，真係好唔錯。🎈燒味噌豬腸 $30豬腸用味噌調
講起飲啤酒就一定會諗起居酒屋啦，今日經過何文田既呢間高性價比既居酒屋，主打串燒同埋燒物，而且仲有唔同既是日推介，於是決定入去試一試。餐廳既門面充滿日式既感覺，一入到去就覺得好似去到日本既居酒屋咁。雖然座位唔算好多，不過絕對坐得舒適。打開餐牌見到有唔少選擇，刺身、串燒、鍋物、一品料理等等應有盡有，價錢亦都唔貴，今次就叫咗幾款試下。
🎈螢光魷魚昆布漬 $45
前菜就叫咗一份螢光魷魚昆布漬，螢光魷魚鮮味十足，拌埋昆布、特製醬汁同生蘿蔔絲一齊食，味道好夾之餘仲非常開胃。
🎈蜜柑鯛 $98
刺身就叫咗一份蜜柑鯛，魚皮因為有用火炙輕輕燒過，所以魚既香味更加突出。餐廳建議第一啖先食原味，魚肉有淡淡既蜜柑味，清甜而且肉質細膩，第二啖再加埋山葵醬油亦都好好食。
🎈燒牛舌 $45
第一款串燒終於到啦，牛舌燒到外焦內嫩，而且仲保留咗唔少肉汁，睇得出廚師既火候控制得好好，值得推薦。
🎈燒鮮鰻魚 $45
鰻魚好厚身但火候適中，一口咬落去感覺到好新鮮同嫩，調味亦都岩岩好。
🎈燒雞翼 $35
餐廳用既係阿波尾雞翼，Size會比一般既雞翼大隻少少。雞翼既脂肪唔多，但肉質好鮮嫩，雞皮亦都好焦脆，真係好唔錯。
🎈燒味噌豬腸 $30
豬腸用味噌調味，食既時候完全冇任何腥或者臭味，證明廚師處理得好好。豬腸既脂肪經過炭燒之後亦都充滿油香。
🎈牛小排壽喜鍋 $138
餐廳提供既呢款壽喜鍋係用咗關東煮法，湯底味道偏清甜，牛小排既油花好均勻，肉質亦都唔錯，壽喜鍋裏面附有好多配菜同材料，有金菇、豆腐、香菇同芋絲等等，係唔錯既飽肚暖胃之選。
🎈山椒燒BB鴿 $58
最後到既就係山椒燒BB鴿啦。一上枱就已經聞到好香既山椒同乳鴿味，雖然已經食咗好多野，但係都忍唔住流口水。乳鴿既肉質嫩滑，加上山椒真係好惹味，呢個價錢絕對係叫得過。
🎈生啤
🎈蜜瓜梳打
Post
