串燒屋

Open Now

Now Closed

觀塘舊區一直有好多唔同嘅小店，今次去咗呢間小店真係好驚喜。因為佢嘅串燒放題，可以自己慢慢燒，而串燒仲可以自己轉，最吸引係佢嘅價錢，只不過係二百幾蚊。佢唔同款嘅肉類選擇好豐富，可以用QR code落單，有豬肉、雞肉、牛肉，仲有新鮮嘅生蠔同埋青口。如果兩個人去，仲會送一碟扇貝，真係物超所值。食燒肉最緊要係佢嘅調味粉，佢嘅調味料唔錯，燒肉汁加埋佢嘅辣粉，令到所有嘢都變得好好味。另外，呢度嘅飲品選擇都好多，有涼茶，仲有其他健康款嘅飲品，滿足唔同人嘅口味。而甜品方面亦都唔使擔心，泡芙、雪糕定係新鮮水果，應有盡有，價錢亦都算係相當合理。整體嚟講，呢間小店真係值得一試，食物好味，價錢又親民。