小茶堂 (Closed)

夏日炎炎，真係唔想離開有冷氣既地方。但奈何無得選擇，唯有買杯冰凍既野飲安慰下自己。出開旺角，台式飲品店開到成行成市，真係仲多過便利店。本身想試下另一間以鹿命名既黑糖珍珠奶茶，可惜目測有成二十人等落單，又無理由為杯飲品浪費咁多時間，所以幫襯左依間又係主打黑糖既飲品。人唔多，排除等落單大約五分鐘，但飲品到手就等左十多分鐘，速度尚可接受。叫左黑糖珍珠烏龍王奶茶<少甜70%>，黑糖怖滿透明杯底，好有藝術感，親手搖一輪先搖匀又幾好玩。第一啖飲落去好有茶味，奶味就唔重，珍珠滿滿既黑糖味，好煙韌好好趙，好得呀。但係飲落就覺得70%糖都係偏甜，唔知係咪同黑糖有關，始終食得太甜都係唔健康，下次都係要<半糖50%>可能會好d!! 可惜性價比麻麻，依個價錢係出面買到大size喎。總括黎講，價錢偏貴，但味道搭夠！