Video
Read full review
2014-05-14
6467 views
母親節活動, 離不開一家大細齊齊正正食餐飯. 每次去酒樓都係一樣既套餐, 講真我真係唔多鍾意, 太悶啦. 試過食西餐, 但又發覺好難傾到偈, 所以今年都係揀返中餐... 今年冇Book酒樓, 冇房冇得唱K冇得打麻雀, 荃灣工廠大廈裡面既中餐私房菜, 好似話食物唔錯, 價錢又實惠!上到餐廳發覺佢既裝修同一般平民酒家冇乜分別, 以為會好家庭式或者小規模, 佢有成十幾張枱!坐低就先上個涼伴菜食住先~~ 涼伴涼瓜, 青瓜個涼伴汁好香, 有啲花椒油既香味, 加埋醋, 好醒胃!涼瓜唔會太苦, 甘甘地; 青瓜焾咗啲, 爽啲會仲好食~ 准山螺頭豬骨雞腳湯老火湯, 煲得好出味, 冇味精, 家庭式, 好味道 姜蔥火腩鮑魚煲一上枱, 香氣撲鼻, 香蔥同蒜頭真係冇得輸~鮑魚, 就算佢介開咗都咬唔開, 索性成隻擺入口咬, 兒? 估唔到又幾焾喎~~! 雖然鮮鮑個味其實唔係好出, 但新鮮既質感又唔同既, 加埋香口既薑蔥蒜都幾好味~火腩, 其實先係呢碟餸既重點~個皮有啲煙韌, 好香, 啲肉好焾, 唯一係鹹咗啲, 食唔得多~ 青芥辣牛柳粒個樣咁肉酸既... "哦?" 又幾好味喎!!佢係生洋蔥, 生青椒, 加牛柳
每次去酒樓都係一樣既套餐, 講真我真係唔多鍾意, 太悶啦.
試過食西餐, 但又發覺好難傾到偈, 所以今年都係揀返中餐...
今年冇Book酒樓, 冇房冇得唱K冇得打麻雀,
荃灣工廠大廈裡面既中餐私房菜, 好似話食物唔錯, 價錢又實惠!
上到餐廳發覺佢既裝修同一般平民酒家冇乜分別,
以為會好家庭式或者小規模, 佢有成十幾張枱!
坐低就先上個涼伴菜食住先~~
涼伴涼瓜, 青瓜個涼伴汁好香, 有啲花椒油既香味, 加埋醋, 好醒胃!
涼瓜唔會太苦, 甘甘地; 青瓜焾咗啲, 爽啲會仲好食~
准山螺頭豬骨雞腳湯老火湯, 煲得好出味, 冇味精, 家庭式, 好味道
姜蔥火腩鮑魚煲一上枱, 香氣撲鼻, 香蔥同蒜頭真係冇得輸~
鮑魚, 就算佢介開咗都咬唔開, 索性成隻擺入口咬,
兒? 估唔到又幾焾喎~~! 雖然鮮鮑個味其實唔係好出,
但新鮮既質感又唔同既, 加埋香口既薑蔥蒜都幾好味~
火腩, 其實先係呢碟餸既重點~
個皮有啲煙韌, 好香, 啲肉好焾, 唯一係鹹咗啲, 食唔得多~
青芥辣牛柳粒個樣咁肉酸既...
"哦?" 又幾好味喎!!
佢係生洋蔥, 生青椒, 加牛柳粒既沙律!
生洋蔥固之然會口臭, 又會辣, 但都好清甜, 忍唔住越食越多!
生青椒亦固之然會有草青味, 但加埋所有嘢一齊食都好襯~
(加上我其實OK鍾意食生洋蔥同生青椒, 因為感覺好夏天~)
牛柳粒就一般, 冇乜牛肉味..
但個汁好得, 芥辣加沙律醬真係好好味~!
芝士龍蝦 (伊麵底)主角嚟啦!! Wao~ 好大啖肉呀!!
話說皇太后 (我親愛既婆婆) 好鍾意食芝士龍蝦,
所以係每年大餐都必定會出場既一道菜,
但近呢幾年酒樓既質數下降了不少,
成日都剩係得個殼, 好耐冇見過咁大隻, 有咁好肉地既龍蝦啦!
呢隻龍蝦好好肉, 就算走油走得乾咗少少咁多多, 但都好好味!
個芝士汁反而唔係好夠芝士味, 似忌廉汁多啲, 冇預算中咁香~
個伊麵底都唔錯, 唔太焾, 份量又多, 正!!!
蒜茸粉絲蒸扇貝好開心呀, 勁多, 係勁多蒜泥!!
蒸新鮮既扇貝邊有唔好食架~
不過美中不足係, 蒜泥好鹹吓,
冇叫白飯送, 真係有啲浪費~
(所以我留返啲蒜泥, 食魚嗰陣照撈埋嚟食, 好味道)
清蒸海魚好大條魚, 有啲擔心會唔會好老, 又會唔會唔熟..
OMG, 又真係利害喎! 蒸到啱啱好, 真抵死!
鮮甜美味~ LIKE!
菜膽上湯雞有偏見, 見到個咁閃靚靚又"傑"既芡汁, 實在不太喜歡
食落覺得冇乜雞味, 不過都幾滑, 菜冇乜特別, 一般.
花雕蛋白蒸蟹個樣好吸引, 用蛋白墊底唔錯, 可以吸哂啲蟹味又唔怕太高膽固醇
可惜啲蟹洗得唔乾淨, 啲蟹腳直頭有泥, 所以有啲蛋白都唔敢食
蟹本身好甜, 啲膏都好香, 但實在洗得太求其..
清菜時菜菜本身唔需要特別寫, 但佢炒得好油.. 所以要彈一彈..
糯米飯呢個糯米飯就梗係比唔上我媽媽整嗰啲啦,
但係出街食計, 佢算好食, 特別係個潤腸, 超香
亦有好多花生同蔥花, 侍應亦應我地要求俾多碗花生我地,
仲話食糯米飯, 花生真係唔少得, 好識做~
不過糯米煮得太焾, 冇乜咬口, 唯有係味道搭夠, 尚算合格
雖然地點係唔就腳架啦, 但整體水準不錯, 經濟實惠, 還是有機會再幫襯的~~
Post
