Fantasy KiTchen

Open Now

Now Closed

同好友食生日飯，頭盤係即叫即開生蠔。生蠔新鮮。另外一個推介，黑松露蝦多士，用左墨魚汁整嘅麵包再配埋已加有粒粒蝦整嘅蝦膠嘅多士，又香又好味。每次去必食之選！！到主菜我倆叫左黑毛豬丅扒同豬手，黑毛豬的肉粉嫩，肉厚唔韌，配上紫馬鈴薯蓉，天作之合，味道好夾好好味。豬手炸得好脆，味道剛好，配上大廚自製嘅汁，味道特別夾！甜品係大廚自行安排嘅，焗左個心太軟伴綠茶雪糕，心太軟用左黑朱古力，唔漏味道不死甜，另外也有自家製蛋糕~豆腐蛋糕同藍莓芝士餅，兩者都好足料，前者感覺是在食整塊豆腐，絕對食得出誠意。後者一看佈滿藍莓也是足料之作。這次已是第二次到訪，小店經營，親切，食材上乘但價錢合理，兩次都感覺良好，食物係有水準，大家不妨一試。再經濟一點的尚有晚餐選擇，價錢百零蚊，即叫即煮，因大廚只得一人煮，可能要等一下。意粉類係我見現場好多食客選擇的，有機會下次我也試試看。小店大約有二十人座位，有興趣去試嘅朋友，最好預訂！