ASAP As Simple As Possible

Open Now

Now Closed

餐廳門口整幅落地大玻璃，感覺開陽，樓底高座位寬敞。價錢合理，堂食外賣都幫襯過好幾次。雖然星期日晚都唔使等位，入座率都有八成，大部份一家大細。今日晚餐堂食叫咗兩個晚餐。炭燒牛肩扒配露絲瑪莉燒汁意粉，自家製安格斯牛肉蘑菇漢堡。炭燒牛肩扒今晚埋牛扒真係好韌，睇落五成熟左右，應該係個位唔靚，所以好多筋，韌得好緊要….. 意粉啱啱好，唔會太淋。加錢轉咗個黑松露蘑菇湯，雖然冇咩黑松露味，不過蘑菇湯都好好飲。另外加咗$30柚子蜜雞翼，比預期中多，一共有五隻。餐飲冇加錢，要咗普通熱咖啡，都OK。自家製安格斯牛肉蘑菇漢堡賣相好靚，沙律菜新鮮，薯條冇鹽炸得好好。一路以為係漢堡上面有蘑菇汁，原來蘑菇係同漢堡搓埋一齊，搞到個漢堡有啲散，不過味道都幾香。跟餐要咗個粟米湯，俾個女飲晒一啖都冇飲過😅餐飲加錢轉咗cappuccino老公話多來得滯。