Video
Read full review
2022-03-20
254 views
本身去附近餐廳，但疫情下，幾間都無開或無堂食，於是上open rice看看就入了這間。（午飯時間，1個人都無，已經覺得有啲伏）之後有一兩枱客。睇餐牌，價錢絕對唔平，有熟食、有刺身壽司，刺身例如活赤貝$78一隻，拖羅$278，會「想像」是中等級數吧？最後安全起見叫了：三文魚壽司2件，一件$20咁貴。有件壽司塊三文魚係兩塊（係唔夠長，補埋落去）飯，好硬、好乾，無醋味。好難食，我寧願食頹爭鮮。牛油果軟殼蟹卷飯好散，軟殼蟹細到，我只感覺到炸粉的存在。燒魷魚90蚊，期望你燒得靚靚仔仔，一上菜，燶到痴左，食落有苦味。最嚴重，成條魷魚中間條骨無清理，仲要切件，即係每一塊裏面都有骨。醬汁太多，鹹到苦，燒燶又苦。唔好食都係其次，成條骨無清理，係廚師既常識問題。壽喜燒1xx蚊，不大期望。好多餐廳的壽喜燒都不是真正壽喜燒，這裏相同，其實只是個牛肉鍋。金菇最多，用粉絲做底（未煮得夠淋），牛肉成3-4塊，好普通質素。天婦羅蝦80蚊，成果3隻咁大把？！好啦，咁1隻廿幾蚊，好食啦呱？個炸漿淋左，蝦肉散散地。仲有，成餐飯，隻蚊之仔未停過咁嬲住嬲住，仲降落過我舊三文魚壽司咁樣叫法，都$532 / 2個人。唔值、難食、無
（午飯時間，1個人都無，已經覺得有啲伏）
之後有一兩枱客。
睇餐牌，價錢絕對唔平，
有熟食、有刺身壽司，
刺身例如活赤貝$78一隻，拖羅$278，
會「想像」是中等級數吧？
最後安全起見叫了：
三文魚壽司2件，一件$20咁貴。
有件壽司塊三文魚係兩塊（係唔夠長，補埋落去）
飯，好硬、好乾，無醋味。
好難食，我寧願食頹爭鮮。
牛油果軟殼蟹卷
飯好散，
軟殼蟹細到，我只感覺到炸粉的存在。
燒魷魚
90蚊，期望你燒得靚靚仔仔，
一上菜，燶到痴左，食落有苦味。
最嚴重，成條魷魚中間條骨無清理，
仲要切件，即係每一塊裏面都有骨。
醬汁太多，鹹到苦，燒燶又苦。
唔好食都係其次，
成條骨無清理，係廚師既常識問題。
壽喜燒
1xx蚊，不大期望。
好多餐廳的壽喜燒都不是真正壽喜燒，
這裏相同，其實只是個牛肉鍋。
金菇最多，用粉絲做底（未煮得夠淋），
牛肉成3-4塊，好普通質素。
天婦羅蝦
80蚊，成果3隻咁大把？！
好啦，咁1隻廿幾蚊，好食啦呱？
個炸漿淋左，蝦肉散散地。
仲有，成餐飯，隻蚊之仔未停過咁嬲住嬲住，
仲降落過我舊三文魚壽司
咁樣叫法，都$532 / 2個人。
唔值、難食、無下次。
見店鋪收信用卡，想簽卡，
埋單時，店員話lunch無得簽卡。
但係大佬，500幾蚊都唔簽得？我無咁多現金，最後佢無奈地話：好啦，咁簽啦
⋯⋯⋯⋯
Post
