小明珠 (Moved) New Location

成日都想試下新既上海菜，聽講小明珠價錢夠貼地，味道仲唔錯，同幾個fd去試下。我地4個人，但由於有大胃王係度，所以叫左好多個菜，無記錯好似係8個菜。餐牌好多野都好想食，4個人，一人諗兩個，我就叫左南瓜餅同埋牛肉麵。上菜時間，第一個黎既係南瓜餅，唔係講笑，真係好好味，南瓜蓉唔會太甜，超香南瓜味，甜而不膩。小籠包比起出面連鎖店做得好，皮夠薄但彈性好唔易穿。孜然羊肉食得出係雪羊，但呢個價錢，算係咁啦。紅燒牛肉麵，湯汁好濃，清甜，食完唔會話想飲好多水嗰隻。仲有幾味菜，不能盡錄，性價比高，有興趣既朋友可以一試。