豪隍點心工房 (Closed)

Item: Caterking Dim Sum Workshop
Rating: 5
Author: Mafia wong

Caterking Dim Sum Workshop

277 Reviews

Taste

Decor

Service

Hygiene

Value

24511

Kwun Tong

$51-100

Guangdong Dim Sum Dim Sum Restaurant

172

Mafia wong

Level3

工廈入面嘅隱世美味點心之前已經聽過，見好耐冇食點心，又唔想去酒樓，今日就特登搭車出黎試下佢。因為唔係食下晏時間又唔係下午茶時間，所以去到嘅時候唔洗等位，即係有得坐低☺️見到張點心紙真係好多野都想試，因為樣樣都好吸引，最後就就嗌左8樣野食，埋單都只系二百令蚊，真係好抵食！同埋上菜速度都算正常，唔會一下子就上哂/食完一碟等好耐都未有其他野食，岩哂鐘意食點心嘆杯茶嘅我啊！首先上嘅係茄子拼尖椒（各2件），個個醬汁真係未食過嘅味道，醬汁加蒜頭加小小辣椒，好香同食物味道好夾，每一啖都要點小小汁食，對於唔食椒類嘅我今次都因為個汁忍唔住要試埋個尖椒，果然醬汁對食物黎講真係好重要😆之後就到蝦餃，正宗嘅一盅兩件啊！一個籠雖然只有兩粒，但係勝在size夠大，岩哂一心兩意又驚食唔哂嘅我，一次一粒就岩岩好！個餡料好多，但係差左小小嘅係唔夠juicy，整體上都叫做唔錯啦！跟住就到鮮蝦腐皮卷，入面配搭西芹，煎到好脆，一碟三件同酒樓差唔多，勝在即整，食個陣仲好辣口！叉燒腸真係好足料！啖啖放入口都係滿滿嘅叉燒，成件事好滿足。重點係個皮唔會好厚，食落口好滑，每卷一層都會有放叉燒肉👍🏻燒賣同蝦餃一樣都係一盅兩件，大大粒，唔

Read full review

45 views

0 likes

0 comments

首先上嘅係茄子拼尖椒（各2件），個個醬汁真係未食過嘅味道，醬汁加蒜頭加小小辣椒，好香同食物味道好夾，每一啖都要點小小汁食，對於唔食椒類嘅我今次都因為個汁忍唔住要試埋個尖椒，果然醬汁對食物黎講真係好重要😆

之後就到蝦餃，正宗嘅一盅兩件啊！一個籠雖然只有兩粒，但係勝在size夠大，岩哂一心兩意又驚食唔哂嘅我，一次一粒就岩岩好！個餡料好多，但係差左小小嘅係唔夠juicy，整體上都叫做唔錯啦！

跟住就到鮮蝦腐皮卷，入面配搭西芹，煎到好脆，一碟三件同酒樓差唔多，勝在即整，食個陣仲好辣口！

叉燒腸真係好足料！啖啖放入口都係滿滿嘅叉燒，成件事好滿足。重點係個皮唔會好厚，食落口好滑，每卷一層都會有放叉燒肉👍🏻

燒賣同蝦餃一樣都係一盅兩件，大大粒，唔洗擔心食完前面咁多野食唔落，如果一盅四件我諗之後嘅野就食唔到啦😁

雞紮入面有魚肚，芋頭，火腿同雞肉，魚肚同出面食嘅唔同，係炸過再放入去蒸，口感上面就煙煙韌韌咁，好唔好食就見仁見智，普普通通咁！

鮮竹卷係我最鐘意食嘅點心，呢個鮮竹卷係用高湯煮，本身佢個色就比較清我都擔心會唔會冇咩味，食落又唔會，同埋唔會好油👍🏻呢個真心推薦👍🏻

最後我地係山竹牛肉同溫泉蛋牛肉飯兩者之間做抉擇，最後簡左飯！雖然之後見到隔離枱個牛肉有衝動想嗌埋，好彩冇咁做，因為呢個飯上面嘅牛肉就系山竹牛肉圍左一圈係飯上面，中間打隻蛋好似食緊煲仔飯咁。成個飯出黎嘅效果都好好，滑蛋加豉油撈落飯到真係好開胃，個飯都幾大個，食完就好飽啦！呢個飯真係一次過滿足哂你三個願望！