Video
Read full review
2012-12-05
148 views
以前住荃灣果時, 都曾經幫襯過, 感覺上唔錯, 抵食夾大件, 但今次專登返嚟食, 令我好失望, 因為份量又少咗, 價錢又貴咗, 質素又差咗................呢度d裝修都冇乜點變, 都係有d舊式吊扇+畫, 但由於太黑, 影唔到相post出嚟~無論你叫咗幾多嘢食, 响你落單之後, 每枱都會送上麵包同沙律, 比你一路食一路等, 但每次d麵包都係食唔哂, 今次亦都唔例外, 所以我唔知如果唔夠麵包食, 係咪可以免費添食呢? 麵包條、硬豬仔、蒜茸包成籃麵包入面, 好似有麵包條、硬豬仔、蒜茸包呢三款, 我地5個人, 麵包條有5-6條, 硬豬仔同埋蒜茸包各有2-3個, 其實如果食哂d麵包, 可以唔叫pizza, 因為都應該會幾飽...........所以最好點d黑醋去食, 咁會好似冇咁飽~ 唔知係咪鬼佬麵包同香港麵包係唔同, 全部都係偏硬, 唯一係硬豬仔有個軟心, 其餘都好似食餅乾咁, 一唔小心會好易界嘴....... 什菜沙律有生菜、蕃茄、洋蔥、橄欖、火箭葉等等, 本身已經落咗少少醋, 所以唔需要再加其他嘢, 如果唔係會過酸.............所有蔬菜都好新鮮, 好爽口, 唔會有
呢度d裝修都冇乜點變, 都係有d舊式吊扇+畫, 但由於太黑, 影唔到相post出嚟~
無論你叫咗幾多嘢食, 响你落單之後, 每枱都會送上麵包同沙律, 比你一路食一路等, 但每次d麵包都係食唔哂, 今次亦都唔例外, 所以我唔知如果唔夠麵包食, 係咪可以免費添食呢?
麵包條、硬豬仔、蒜茸包
成籃麵包入面, 好似有麵包條、硬豬仔、蒜茸包呢三款, 我地5個人, 麵包條有5-6條, 硬豬仔同埋蒜茸包各有2-3個, 其實如果食哂d麵包, 可以唔叫pizza, 因為都應該會幾飽...........所以最好點d黑醋去食, 咁會好似冇咁飽~ 唔知係咪鬼佬麵包同香港麵包係唔同, 全部都係偏硬, 唯一係硬豬仔有個軟心, 其餘都好似食餅乾咁, 一唔小心會好易界嘴.......
什菜沙律
有生菜、蕃茄、洋蔥、橄欖、火箭葉等等, 本身已經落咗少少醋, 所以唔需要再加其他嘢, 如果唔係會過酸.............所有蔬菜都好新鮮, 好爽口, 唔會有爛或變色等問題忌廉三文魚闊麵
其實應該叫闊條麵先啱, 因為佢係一條條果種, 唔係一塊塊果種, 好易混淆................闊麵煮得軟硬適中, 我最怕果d林到一pat, 唔駛咬都已經爛哂果d, 佢呢度煮得好啱, 而且個忌廉汁都好香, 但如果可以再多d汁就更好...........三文魚唔係原舊, 係碎濕濕的, 咁樣可能會容易share比大家食掛?
香草脆烤羊架
呢個羊架等咗好耐, 當其他食物食得八八九九時, 個羊架先上枱, 當萬眾期待的時間, 竟然令大家失望.........因為個羊架係超肥, 差不多係一半肥膏一半肉+骨, 層肥膏成吋厚, 真係想叫佢退返唔要, 但又廢事人地難做, 因為可能羊架係要咁肥先好食掛? 羊架大約有8條骨, 面層雖然焗到好香好脆, d肉又好嫩, 但都蓋唔到佢d羊羶味, 同埋比層肥膏扣哂分, 最羶都唔係d肉, 而係墊底果d薯茸, 因為d羊油比佢吸哂, 而d羶味係來自羊油, 所有d薯茸係羶到食唔到.............
醬燒美國豬肋骨
以前食過記得係好大舊, 但今次見番, 個size好似細咗一半, 已經係叫淨豬肋骨, 冇跟配其他, 但都係得半隻碟多少少咁長, 明明記得以前有成隻碟咁長架嘛, 而家竟然冇, 好失望............個豬肋骨本身已經塗咗燒烤醬去燒, 所以點唔點佢跟的醬都冇所謂, 已經好香, 而d肉就林到可以唔駛用刀切都已經散出嚟, 所以我地切開果陣, 搞到個肋骨碎濕濕..........
拌碟的薯條唔錯, 熱辣辣, 脆卜卜, 唔知係咪豬肋骨皂份量細咗, 所以加咗薯條呢? 我記憶中的豬肋骨好似冇拌薯條的?
12"意式錦繡薄餅
睇勻咁多款pizza, 都好似冇乜餡料, 唯獨係呢個叫做多d餡料, 而價錢又唔算太貴, 所以叫嚟試下,,,,,,,,,,,,,,,,,,個pizza有好多腸、肉, 啱哂男士食, 因為啖啖肉, 但我覺得油膩咗少少..............
呢度d待應成日都好忙, 叫人果陣永遠要等好耐, 而且果度又燈光昏暗, 好難見到人...............大家仲要小心, 因為個個上菜的待應都托住個大碟, 一唔小心撞到佢就大件事, 好彩個個都身手敏捷,,,,,,,,,,,,,,,,
Post
