古琴雅苑 (利舞臺廣場)

Open Now

Now Closed

坐底見到檯面有昆蟲，侍應當住面可以零反應。當你睇餐牌想問關於coupon時，侍應會雙眼發光，不停遊說你買coupon。但查詢使用條款時，又講得含含糊糊。等候時間係零：當你一落單要半隻鴨/一隻鴨，侍應馬上通知廚房，一、兩分鐘鴨就上了，好明顯，片皮鴨系一早片好嘅，用餐體驗同食燒味無分別。 侍應上鴨上半份，零交流、無交代另外半份嘅下落，要追問。落單要一隻片皮鴨，除麽麽外，所有配料都只給半鴨份量，食到一半要逐樣要求侍應補充，侍應仲要唔識廣東話，點解明明係全鴨分量嘅配料又偏偏要打折扣？一份百幾蚊嘅蛋白炒飯，無味之餘，蝦肉重要係霉嘅。訂位送嘅烤麩，夠顏色，但係無味嘅。紅油抄手嘅雲吞放響蒜蓉上面，食完先見到蒜蓉，對上菜嘅要求近乎零。比較正常嘅係火腿津白，有正常嘅味道。去過呢間餐廳幾次，3次灣仔，2次銅鑼灣，銅鑼灣店嘅質素每況越下，應該唔會再有下次。綜合評論，除鴨外，其他可以唔試，價錢高級，服務低級。