鍋卷鳴門 (Closed)

平時少食放題，對放題印象麻麻，但去咗依間放題後就會發現放題都可以好高質。今次同朋友食「上忍之卷」，分別係多咗日本A5藤彩和牛同埋和牛上腦，但個人覺得最吸引係佢地嘅任夾海鮮。依家仲做緊4人同行送活松葉蟹。任夾海鮮種類都幾多，當日有海蝦、澳洲鮑魚、瀨尿蝦、 沙白、花螺等等，應該間唔時會轉款，每款海鮮都見到好生猛，我地夾嘅時候仲會係咁郁呢！食落亦好鮮味，其中最鍾意鮑魚，易拆又好厚肉，當日真係滿足晒我地嘅海鮮癮！肉類選擇都唔少，當然要試日本A5藤彩和牛肩胛，油脂豐富又軟腍。如果鍾意牛味重啲飽嘴啲就可以食澳洲牛板腱。另外牛舌切到長條形食落都好滿足！除咗主攻肉類，仲有刺身、天婦羅等熟食可以邊煮海鮮邊食～最後當然唔少得甜品環節，榴槤炸彈係必點的！仲有各款雪糕雪條超多選擇！當晚揀咗$788一位，另外$468個款套餐都好抵食㗎。