新星海鮮酒家 (Closed)

八點九去到已經有成棚人等緊位,好彩有訂位. 一到九點鐘就嗌飛入場,發覺就算去到先攞飛都唔會等好耐,因為裡面都有幾多吉檯,連續嗌好多張飛,成堆人湧上去.九點後打邊爐任食任飲,飲品方面除汽水外仲有涼茶; 我幾鍾意個涼茶,因為出奇地唔甜,我初初仲以為唔多唔少都會溝糖水...食物方面,牛肉OK但都幾"雪花"(肥); 海鮮都幾新鮮,海蝦唔錯; 我至愛的丸類則以流心蟹粉丸最掂. 墨魚丸都有但要點四寶丸先有; 另外有個唔知乜麻辣丸,食落得個辣字,無特別.食物種類同其他地方差唔多,以任食來講質素算唔錯. 我初初以為七十八蚊一位,但最後加埋花生加一等每位都要百一; 不過我們無執輸地玩了三粒鐘,加上張檯位置好正,算抵番啦...