泰靚平 (Closed)

係馬田路 距離元朗市中心有啲遠不過個舖位都幾大 有得book位好難得放題唔需要加一$228/位 食90分鐘 有啲短不過就算夠鐘都冇催你走嘅感覺👍🏼每枱按人頭都會送一份海鮮🦐有蝦、鮑魚同青口 質素唔覺得特別好鮑魚同青口有d韌 蝦還好 都算大隻主要有四個自助區另一邊就擺熟食同埋燒烤食品加啲醬汁1️⃣ 熟食有蒜蓉包、雞肉青咖喱、黃咖喱海鮮、飛天炒通菜、雜菜、火山骨、鱸魚、滷豬手、生菜包、魚餅、菠蘿炒飯、薯角、炸油炸鬼、海南雞⭐️最好食係菠蘿炒飯 雖然冇菠蘿但係佢有啲胡椒味帶香左個炒飯蒜蓉包幾脆 其他正正常常 海南雞幾滑黃青咖哩都唔辣 炸油炸鬼可以點咖喱2️⃣ 燒烤食品肉類有一口牛、雞腎、豬頸肉、豬扒、雞扒、雞翼、魷魚、雞肉串燒同埋豬肉串燒燒烤食品另一邊有d火腿腸仔同蔬菜類每隻肉個醃料味係一模一樣😂比較好食我覺得係串燒同魷魚蔬菜類驚喜地燒完好甜！唔錯👍🏼在另一邊就有香蕉煎餅、自製船麵、冬陰功、黑糯米同埋白飯只係試左香蕉煎餅 呢個係必食！煎得好脆 有香蕉味又唔會好甜可惜已經食到好飽 只係食到一份🥲3️⃣ 飲品區有雪櫃嘅紙裝飲品另一邊可以自己整泰式奶茶同埋椰汁珍多冰泰式奶茶可以自己較想要幾多奶唔會超甜都幾好飲