Video
Read full review
2022-09-08
2981 views
最近有點鬱鬱的，聽說食係最佳治療，咁就索性食多d，希望可以治療得切底d。最後揀左去荃灣食火鍋點心放題。幾個月前已經嚟過呢度食午市嘅點心放題，價錢平、款式多。今次試埋佢嘅火鍋+點心任食，一次過任食兩大主題，療傷效果應該可以加倍。🥘嘢食選擇一般，唔會係超多款式咁，不過應該有嘅都差不多有齊。賣相都係一般，打卡影相未必會好靚，但重點係食物質素算幾ok喎。鍋底要左個椰子燉雞湯，先呷左幾啖湯試吓味，唔錯，椰子味幾濃，湯底清甜。奶白色湯底裡邊雞件唔多，不過自助區可以任取，喜歡用咩部位餚湯，可以自己揀選。火鍋配料有部份係剔紙落單，大部份嘅料都可以喺自助區任攞。肥牛、滑牛: 必選! 正位係肥牛嘅肥膏適中。蝦、魚: 海鮮類幾新鮮，蝦勁爽，點辣椒豉油好好味。大排檔自助區有好多嘢食，火鍋料、蔬菜、熟食、湯羹、啤酒、汽水、甜品、糖水、雪糕。其實剩係食大排檔區嘅食物都已經可以回本。值得一提係呢度有部份食物飲品係其他火鍋放題店少見嘅。飲品區有樽裝可樂、雪碧、維他奶仲要有凍有熱。啤酒有醇滑嘉士伯。蔬菜區有苦瓜、木耳、西蘭花🥦、蕃茄🍅。熟食區有口水雞、豬皮豬紅、鹽水雞腳、牛雜。湯羹類有酸辣湯、粟米羹。🥡至於另一主題一樣
幾個月前已經嚟過呢度食午市嘅點心放題，價錢平、款式多。今次試埋佢嘅火鍋+點心任食，一次過任食兩大主題，療傷效果應該可以加倍。
🥘嘢食選擇一般，唔會係超多款式咁，不過應該有嘅都差不多有齊。賣相都係一般，打卡影相未必會好靚，但重點係食物質素算幾ok喎。
鍋底要左個椰子燉雞湯，先呷左幾啖湯試吓味，唔錯，椰子味幾濃，湯底清甜。奶白色湯底裡邊雞件唔多，不過自助區可以任取，喜歡用咩部位餚湯，可以自己揀選。
火鍋配料有部份係剔紙落單，大部份嘅料都可以喺自助區任攞。
肥牛、滑牛: 必選! 正位係肥牛嘅肥膏適中。
蝦、魚: 海鮮類幾新鮮，蝦勁爽，點辣椒豉油好好味。
大排檔自助區有好多嘢食，火鍋料、蔬菜、熟食、湯羹、啤酒、汽水、甜品、糖水、雪糕。其實剩係食大排檔區嘅食物都已經可以回本。
值得一提係呢度有部份食物飲品係其他火鍋放題店少見嘅。飲品區有樽裝可樂、雪碧、維他奶仲要有凍有熱。啤酒有醇滑嘉士伯。
蔬菜區有苦瓜、木耳、西蘭花🥦、蕃茄🍅。
熟食區有口水雞、豬皮豬紅、鹽水雞腳、牛雜。
湯羹類有酸辣湯、粟米羹。
🥡至於另一主題一樣ok，點心都係大路嘢，蝦餃、燒賣、馬拉糕、奶黃包、牛柏葉、饅頭……特別推介煎炸類點心，我地分別點左炸雲吞、蘿蔔絲酥餅、炸饅頭、仲有芋絲春卷，全部香脆、唔油膩、炸得金黃，絕對要食。
而包點類嘅馬拉糕都唔錯，鬆軟唔會太甜。蒸籠點心嘅蝦餃、燒賣、小籠包，屬大size。排骨、牛柏葉夠晒熱辣辣。
整體總結係食物質素唔錯、上菜快、無漏單、侍應會主動添湯、清理枱面碗碟。有其他火鍋放題店少見嘅食物提供，熟食選擇算多、味ok。呢個價錢嚟講 性價比極高。
Post
